По повеќе од една недела одлична игра и вистински спортски дух, успешно заврши турнирот во мал фудбал „Јабука 2025“. Еден од најпосетуваните спортски настани во општина Панчево традиционално го организира месната заедница Јабука со поддршка на Туристичката организација на Панчево, а по повод селската слава, Свети Илија.

Првото место на овогодинешниот турнир го освои екипата „Томини другари“, додека екипите „Јабука 2025“ и „Стил градња Мосик“ ги освоија второто и третото место. Четвртото место им припадна на такмичарите од Војловица. 

Титула најдобар играч му беше доделена на Милан Шушњар од тимот „Томини другсри“, додека играчот на истиот тим, Ивик Вукашин, беше прогласен за најдобар стрелец на турнирот. Најдобриот голман, Лука Дотлик, играше за локалниот тим „Јабука 2025“.