Во Домот на културата ,,Кочо Рацин" во Јабука започна традиционалната Детска ликовна колонија, која годинава по 18-ти пат обединува мали уметници од Јабука, Панчево, Долово и Белград. 

Особена радост претставува учеството на ученици кои го изучуваат македонскиот јазик со елементи на националната култура во Војводина, што ја потврдува поврзаноста помеѓу културата, уметноста и образованието.

Изложбата со детските дела ќе биде отворена на 1 август, а на 2 август, во рамки на централната прослава на Илинден, истата ќе ја посетат и официјалните гости на манифестацијата.

Организатори на колонијата се Домот на културата – Јабука и Националниот совет на македонското национално малцинство, под покровителство на Град Панчево и Покраинскиот секретаријат за култура и информирање.

фото, извор: НСМНМ